چهارشنبه ۷ فروردین ۱۳۹۸ - ۰۷:۴۸
کد خبر53134

بلدیه رئیسی تبریزین تاریخی بازاریندا؛
بلدیه رئیسی، بازاردا اولان بایرام قوناقلارینا خوش گلدین دئدی

72603.jpg

تبریز بلدیه رئیسی بو شهرین بؤیوک و تاریخی بازاریندا حاضر اولوب، اوردا اولان بایرام قوناقلارینا خوش گلدین دئدی.

ایرج شهین باهر تبریز بازارینا گئدرک، بو بازارداکی اصناف، تجار و کسبه ایله ده گوروشدو.

تبریز بلدیه رئیسی اصناف ایله گوروشده دئدی: امیدیم وار بلدیه نین و باشقا مرتبط ارگانلارین چالیشمالاری نین نتیجه سینده، بازاردا و تبریزین باشقا توریسی و تاریخی یئرلرینده، توریست لر و قوناقلارین آرتماسینا شاهد اولاق.

بلدیه رئیسی دئدی: محترم اصناف بو ایل بلدیه نین ایسته یینه گوره بایرام تعطیل لرینده بازاری باغلاماییب لار و بونون اوچون اونلاردان اوز تشکرلریمی بیلدیریرم. آللهین اومیدی ایله گلن این توریست لر و قوناقلار گلن زامان لار بازار آچیق اولاجاقدیر.

شهین باهر تبریز بازارین توریسم اوچون اهمیت لی پتانسیل لردن بیلیب آرتیردی: بیز بو بؤیوک پتانسیلی بوتون وطنداشلار و توریست لره داها آرتیق تانیتدیرمالییق.

ارسال نظر

شما در حال ارسال پاسخ به نظر « » می‌باشید.
9 + 5 =